Sünbüliyye silsilesini konu alan manzum eser. Nazım ve nesir karışık olarak kaleme alınmış; besmele övgüsüyle açılır, Hamd ve Naʿt fasıllarının ardından telif sebebini anlatır, sonra Hazret-i Nûreddin'in menkıbesine ve kerâmetlerine geçer. Silsileyi bir nûr zinciri olarak tasvir etmesi sebebiyle bu adı taşır.
Aşağıda eserin tamamı — 322 beyit — fasıl başlıklarıyla ve beyit numaralarıyla verilmiştir. Nisbet zincirinin özeti için silsile sayfasına bakınız.
Bu harflerdeki noktalar ve çizgiler ne?
Metin çevriyazı ile verilmiştir: Osmanlı Türkçesi Arap harfleriyle yazıldığı için, Latin alfabesinde tek harfe düşen sesleri birbirinden ayırmak üzere harflerin altına nokta, üstüne çizgi konur. Bunlar okuyuşu değiştirmez; hangi Arap harfinin kastedildiğini gösterir. Meselâ ḥ ile ḫ Türkçede “h” diye okunur, ama biri ح diğeri خ harfidir.
ā ī ūuzun ünlü — ṭarīḳ (tarîk), Bāyezīd
ḥح · ḥażret
ḫخ · dāḫil
ṣص · ṣoḥbet
ṭط · ṭarīḳ
ż · ḍض · ḥażır
ẓظ · ẓālim
ḳق · miḳdār
ẕذ · meẕheb
ñnazal n (ñ) · anıñ
ʿayın (ع) · ʿavdet
ʾhemze (ء) · müteʾellim
Metin, neşredildiği ilmî çalışmadan olduğu gibi alınmıştır. Yalnız şu düzeltme yapılmıştır: taramadan metne dökülürken bazı harfler yanlış karakterlere düşmüştü — uzun î kimi neşirde į, kimi neşirde í yahut ì çıkıyor, bir neşir de bütün ünsüzleri farklı işaretlerle veriyordu. Bunlar standart çevriyazıya taşınmış, okunuş değiştirilmemiştir.
Yazı boyutuYazım
Hāẕā Silsiletü'n-Nūr
1Naẓm-ı kerīm ravża-yı nūr-ı ḳadīmBesmele ol ravżada ʿamber-şemīm
2Bāsı anıñ maẓhar-ı sırr-ı vücūdFāiż āåāre-i bidev’ ü yeʿūd
3Besmeledür münşī-i nūn ve[l]- ḳalemḲāşif-i esrār-ı ġıṭā-i ḳadem
4Sīni anıñ seyr-i il-Allāh içünOldı vesīle dil-i āgāh içün
5Mīm-i avāz ẕāt-ı müsemmā-peyāmMuṭṭaliʿ-i şems-i ufḳ-ı feyż-i tām
6İsm-i Celāl cāmiʿ vü fāruḳ dururNūr-ı ṣıfāt üzre çü yāruḳ durur
7Ol iki ismeyn dü-cihān devletiYaʿni ki Raḥman ü Raḥīm ḥażreti
8Eyledi ol Ḫālıḳ u PerverdigārBu ikiden raḥmeti dürreyn-niåār
9Raḥmet-i Ḥaḳḳ oldı iki ḳısm ʿayānBiri vücūb biri daḫı imtinān
10Çünki vücūbiyyeti ferdādadurMinneti dünyāda vü ʿuḳbādadur
11Noḳṭası dürr-i yem-i ferdiyyedürMenbaʿı cüz’ ü kül ü cemʿiyyedür
12Şeddesi şīrāze-i ümmü'l- kitābCezm durur şemse-i faṣlu'l- ḫiṭāb
13Olsa ḳamu tendeki mūlar zebānEylemeye fażl-ı şerīfīn beyān
14Līk buyurdı o ʿaẓīmü'ṣ- ṣıfātMaẓhar-ı tām āyine-i nūr-ı õāt
15Cümle emirler ki özi bāl olaṢāḥib-i şān rābıṭa-i ḳāl ola
16Olmasa ser-levḥasına besmeleEbter olur beñzer o nīm-bismile
17Bende görüp itdim aña iḳtidāEylemedim besmelesiz ibtidā
Faṣl-ı Ḥamd-i Bārī cellet ‘aẓāmetühu
18Oldı tamām besmele aṣl u fürūʿḤamd-ı Ḫudāya daḫı ḳılam şürūʿ
19Ḥamd-ı Ḫudā cümleye ser-kār olurḤamd aña taḥḳīḳ-i sezā-vār olur
20Yoġ iken eşbāḥ u ṣūverden nişānHeykel-i eşkāl-ı zemīn ü zemān
21Kün didi iåbāt-ı vücūd eylediẔātını esmāda şühūd eyledi
22Ᾱdemi ḫalḳ eyledi tekrīm içünḪilʿatını aḥsen ü taḳvīm içün
23İtdi nihāde serine1 tāc-ı nūrTā ki ola maẓhar-ı Rabb-i Ġafūr
24Sırrını ādemde nihān eylediMaʿrifeti dürrine kān eyledi
25Zī-kerem ıssı zihī erḥam ḪudāYoḳdur ānıñ raḥmetine intihā
26Biz daḫı müstaġraḳ-ı inʿāmıyuzBende-i nāçīzī-i ikrāmıyuz
27Lehce-i ḥamda ire çün iḫtitāmKelimenin metindeki "sırrına" yazılışı beytin veznine ve anlamına uygun değildir.
Faṣl-ı Naʿt-i Rasūl-i Ekrem
28Ey şeh-i kevneyn-i ev ednā maḳāmİns ü melek ḳapuña kem-ter-ġulām
29Sensin o maḥbūb-ı Ḫudā-yı ĠanīMedḥ iden oldur seniñ evṣāfini
30Taḥt-ı şefāʿatde şefīʿü'ẕ-ẕünūbSensin eyā kāşif-i sırr-ġuyūb
31ʿİllet-i ġā’ibesisin ādemiñᾹdeme cān-baḫş olan işbu demiñ
32Kenz-i ḫafī gevheriniñ kānısıñʿİlm-i ledün baḥriniñ ʿummānısın
33Rāst durur ḳāmetiñe ey RaḥīmḪilʿat-ı pākīze-i ḫulḳ-ı ʿaẓīm
34Sırr-ı ev ednānıñ olan ʿārifiEmr-i fe evḥānıñ olan vāḳifi
35Sensin eyā şāh-ı nüh eflāk senSensin eyā maḥrem-i levlāk sen
36Ḫatm-i rüsül şāh-ı ḳamu enbiyāSensin eyā nūr-ı ziyā’-ı dü-cā
37Der-gehiñ ey maḫzen-i esrār-ı ḤaḳḳDerdi güneh-kāra devā ḳıldı Ḥaḳḳ
38Ḫāk-i rehüñ küḥl-i cilā’-ı ʿuyūnRūşeni-i dīde-i rūḥāniyūn
39Oldı şeref-yāfte-i naʿl-i güzīnŞāh-ı semāvāt olan ʿarş-ı berīn
40Cümle midād olsa biḥār-ı meṭerHem ḳalem olsa ḳamu eşcār-ı ber
41Yazmayalar ḥüsnü[nü]ñ evṣāfınıBiñde bir evṣāfınıñ elṭāfını
42Ey keremiñ kānı ḥabīb-i ḪudāDer-gehiñ ʿāṣīler içün mültecā
43Ben daḫı ʿāṣīlerin ednāsiyemʿᾹciz ü dermān-desiyem kāsiyem
44Ḳıl naẓar ey menbaʿ-ı envār-ı ẕātBula yeñiden dil ü cānım ḥayāt
45Al elim ey ümmete feryād-resḲalmaya ṭabʿımda hevā vü heves
46Ben kim olam mādiḥ olam ẕātıñıMetindeki "müntecā" sözcüğü beytin anlamına uygun değildir.
47Budur ümīdim ki ola bendesiBendesiniñ ʿāşıḳ-ı efgendesi
48Ḥāṣılı her laḥżada3 yüz biñ selāmOla anıñ āline temme'l-kelām
Faṣl-ı Sebeb-i Tel’īf-i īn Naẓm
49Genc-i derūnumda hüveydā olanBāʿiå-i taḥrīk-i süveydā olan
50Ḥażret-i Nūre'd-dīn'iñ āyātınıNāḳil olam keşf ü kerāmātını
51Ravża-i sünbülde olan ḳudsiyānʿᾹlem-i ġayb anlara oldı mekān
52Her biri ser-ḥalḳa-i ʿirfān idiMaʿrifetu'llāh ile pür-dān idi
53Şeyḫ Cemāl idi gelüp ibtidāEyleyen ol ravża-i tevḥīde-cā
54Nüh sene seccāde-nişīn oldılarTaḥt-ı ḫilāfetde mekīn oldılar
55ʿᾹlim ü taḥrīr-i zemān idi olʿᾹrif-i esrār-ı nihān idi ol
56Menbaʿ-ı envār-ı kerāmet idiPād-şeh-i şehr-i velāyet idi
57Ᾱḫir idüb niyyet ile ʿazm-i rāhʿAşḳ-ı ḥabīb ile o himmet-penāh
58Sūy-ı Ḥicāza gidüb ol pāk-bīnẔāt-ı şerīfi olub anda defīn
59Ḳıldı o gencīneye tevḥīd hemānŞeraʿ-ı tābūt ḳorusını mekān
60Baʿdehu būstān-ı ḫilāfetde şānVirdi yetişdi Sünbül Sinān
61Oldı otuz üç sene bī-iştibāhḲuṭb-ı Ḫudā mavṣıl-ı sırr-ı İlāh
62Merkez Efendi gelüb itdi ẓuhūrṢadr-ı ḫilāfetde o merd-i ġayūr
63Oldı yigirmi yedi yıl ḳuṭb-ı ḤaḳḳVirir idi ʿilm-i ledünden sebaḳ
64Ḥażret-i Yaʿḳūb kerāmet-i temīzMıṣr-ı dile ol daḫı oldı ʿazīz
65Oldı yigirmi sene ḳuṭb-ı cihānʿİlm-i ledün sırrını ḳıldı beyān
66Ṣoñra gelüp oldı ḫilāfet-nişānYaʿḳūb Efendi veledi Şeyḫ Sinān
67Altı sene şeyḫliḳ idüb Ay DedemGitdi olub ravżada Şeyḫü'l- Ḥarem
68Şeyḫ Ḥasan necm-i Süheylī YemenḤāmil-i esrār-ı Ḫudā mü’temen
69Oldı otuz üç sene ol şeyḫ-i dīnKāşif-i esrār-ı ʿulūm-ı yaḳīn
70ʿAdlī Efendi-i velāyet-şiʿārOldı o da şeyḫ-i sıġār ü kibār
71Yedi sene keşf ü nihān eylediʿAllemü'l-esma’ı beyān eyledi
72Baʿdehu ol seyyid ü āl-i resūlEyledi merdān-ı Ḥaḳḳ anı ḳabūl
73Ḥażret-i Ḥaḳḳıñ o da maḥbūbıdurŞöhreti Muḥammed-i Eyyūbīdür
74Bist ü cehārüm sene subḥ u mesāOldılar ehl-i Ḥaḳa çün reh-nümā
75Şeyḫ Kerāme'd-dīn Efendi daḫıSeyyid-i ʿĀlī neseb idi aḫī
76Milket-i maʿnāda o ṣāḥib-kemālOn sene şeyḫ oldı o zī-cidd ü ḥāl
77Seyyid ʿAlae'd-dīn Efendi nesībDerd ile inler idi ḫoş ṭabīb
78Oldı otuz bir sene şeyḫiyyetīGün gibi ẓāhir idi ḳuṭbiyyetī
79Bezm-i ḥaḳīḳatden idi neşe’siᾹña yetişmişdi Ḥaḳḳ'ıñ ceẕbesi
80Sırr-ı rasūl idi o ḫayru'l-ḫalefVirdi o der-gāh[a] netīce şeref
81Mā-haṣal ol ibn-i rasūlü'l-enāmNecl-i ʿAlae'd-dīn o faḫrü'l-kelām
82Burc u siyādetde o bir māh idiḲurretü'l-ʿayn-ı Esed-ullāh idi
83Ḥażret-i Nūre'd-dīn o ẕāt-ı şerīfİbn-i şerīf ibn-i şerīf bin şerīf
84Bāġ-ı ḥaḳīḳatde o nūr-ı behīSünbülī idi gehī serv-i sehī
85Cebhe-i pākinde nümāyān idiNūr-ı velāyet ḳatı tābān idi
86Ḳaşları miḥrāb idi ehl-i dileʿᾹşıḳ olur idi gören derd ile
87Çeşm-i şühūd ehline şāhid idiHer naẓarı Ḥaḳḳı müşāhid idi
88Ḥadd-i münevverleri vird-i cinānToymaz idi aña baḳan ins ü cān
89Bīnī-i mevzūnı leṭāfet-şemīmNūrdan bir elifdi müstaḳīm
90Lebleri laʿl ü dişi dürr-i ʿAdenḤoḳḳa-i esrār-ı ḥaḳīḳat-dehen
91Sebʿa meåānīniñ o ser sūresiMısra‘ın vezni bozuktur.
92Nuṭḳ-u şerīfi idi ḥikmet eserHer sözi vaḥdet demīni remz ider
93Cism-i saʿādetleri ġayet laṭīfEtlü degül idi velākin naḥīf
94Ṣafḥa-i ẓahrindeki ḥāl-i siyāhMühr-i ḫilāfet idi bī-iştibāh
95Ẕāt-ı mehābetlü ʿazīz idi hemAḥsen-i aḫlāḳ-ı ʿuluvvü'l-himem
96Ṭabʿı selīm idi ḥuluvvü'l-kelām‘Ᾱşıḳ idi ṣoḥbetine ḫāṣ [u] ‛ām
97Maḥzen-i esrār-ı ʿulūm-ı yaḳīnMaʿden-i fażl-ı ʿārif dānā-yı dīn
98Ġavs-ı zemānī idi ṣāḥib-fütūḥNūr-ı dıraḫşān idi manend-i yūḥ
99Çün yürise öñine mā’il idiHer ḫuyı ceddine mümāåil idi
100Cāmeleri ekśerī Ḥıżr İlyāsMısra‘ın metindeki “Maʿden-i fażl-ı ʿārif dānā-yı dīn” şekli eserin vezinine uygun değildir.
101ʿᾹşıḳ u müştāḳ-ı cemāl-i eḥadʿAşḳına olmazdı anıñ ḥadd ü ʿadd
102ʿAşḳla eyler idi her cünbişiʿAşḳla pür eyler idi dervīşi
103Rūz şebān ʿaşḳla fāḫirdi olṢubḥ u mesā olmuş idi ʿaşḳa ol
104ʿAşḳla ʿĪsā-dem idi her nefesMürde-dil olanlara feryād-res
105Nūr-ı İlāhiyyeye miṣbāḥ idiḤaḳḳıñ ʿaṭāyāsına miftāḥ idi
106ʿİlm-i ḥikemle pür idi sīnesiSīnesi vechiñ celī āyinesi
107Ḫalḳa-i tevḥīde girince hemānʿAşḳına devr eyler idi āsumān
108Merkez olurdı vaṣaṭ-ı ḥalḳadaEhl-i muḥabbet sırrına dönmede
109Ḳutb ile hem devr idi ḫayr-ı ḫalefDā’ire-i sünbüle virdi şeref
110Mest-i mey-i bāde-i vaḥdet idiḤāmil-i esrār-ı hüviyyet idi
111Ben nice medḥ eyleyem aḥvāliniḤālini aḳvālini efʿālini
112Her ne ḳadar midḥatin etsem şümārVāṣıf olsam idi leyl ü nehār
113ʿᾹcizim itmege vaṣıf anı benŞānına lāyıḳ ne disün bu dehen
114Budur o sulṭān-ı keremden ümīdRūḥ-ı şerīfinden olam müstefīd
115Nūr-ı maḥabbetden olam behre-yābEyleye ben bendesini feyż-yāb
116Oldı o sulṭān-ı heftād-sālŞeyḫ-ı serā-perde-i ʿizz ü ḳıbāl
117Olsa şümār ḥarf dü-vāzdeh imāmẒāhir olur ʿadd-i şüyūḫ-ı kirām
118Silsiletü'n-Nūr idi ledün dileOn iki ḳandīl idi bir sünbüle
119Līk on ikincisidür ḳuṭb-ı dīnRuhını taḳdīs ide Rabb ü Muʿīn
120Ḳuṭb iken o ġavå-ı zamān ü zemīnOl daḫı terk eyledi dünyā evin
121Biñyüz ile yetmişe irdükde sālEyledi anlar daḫı ʿazm-i viṣāl
122Yevm-i sebt-i āḫir-i ẕi’l-ḥiccedeEyledi teşrīf beḳāya Ay Dede
123Beyt-i ḫilāfetde o pīr-i münīrOn sene ʿaşḳ ehline oldı emīr
124Ol daḫı sulṭān ṭarīḳat eylediSālike bürhān ḥaḳīḳat eyledi
125Der-gehī aʿlā idi ḳuṭbu'd-dīniñSırr[ı] idi Ḥażret-i Nūre'd-dīniñ
126Ḫāk zer iderdi ḥaceri güherḪāka naẓar eylese idi ol er
127Vechine nāẓır olan ehl-i kemālʿAşḳla olur idi āşüfte-ḥāl
128Meşhedini pür ede Rabbü'l-enāmNūr-ı cemāl ile her ṣubḥ u şām
129Pesdür eyā dil sözi ḳıl muḫteṣerAz olıcaḳ bilene ḳadr-i güher
130Ey dil-i dil-beste-i zülf-i hevāMaṭlaʿ-ı naẓmıñ ola ṣūret-nümā
131Menḳabet-i şeyḫe idüp niyyetiḲıldı erenler baña bu himmeti
132Ḥaḳḳa tevekkülle idüp bedʿiniMenḳabe-i Ḥażret-i Nūre'd-dīni
133Ṣıḥḥat-i naḳl ile rivāyet idemḤaḳ kerem iderse ḥikāyet idem
Naḳl-i Kerāmet-i Evvel-i Ḥażret-i ʿAzīz
134Ḥażret-i Yaʿyūb muvaḥḥid-i ʿalīṢaḥr-ı rasūl ve Esed-ullāh velī
135Ẕikr-i velīler didi zevc-i betūlRaḥmet-i Ḥaḳdan ider ol dem nüzūl
136Ḥadd-i tevātüre irüp bū ḫaberBöyle durur naḳl-i ḫaber muʿteber
137Oldı Sıtanbūlda ḥarīḳ-i kebīrGörmedi miålini ġanī vü faḳīr
138Çün şerer-i nār olıcaḳ rū-nümāDūd-ı kebūd oldı zemīn [ü] semā
139Başladı odun ḳapusundan hemānYanmaġa sūr içre büyūt u dükān
140Çāre-pezīr olmadı bu āteşeDüşdi şehir ḫalḳı ḳamu tābişe
141İki gün iki gice yandı müdāmNıṣf-ı Sıtanbūl yanup oldı temām
142Şuʿlelenüp āteş olınca rebīḳGeldi çün ʿĪsā ḳapusına ḥarīḳ
143Gūş-zed-i şeyḫ olıcaḳ bu ḫaberBu ḫaber-i vaḥşet ü dehşet eser
144Ḥażret-i Nūre'd-dīn o ṣāḥib keremHānikahından idüpʿazm[i] o dem
145Ḳurb-ı çenāra gelüb itdi du‘āDefʿi içün eyledi Ḥaḳḳa recā
146Didi ayā Ḫālıḳ-ı 10leyl ü nehārʿAvniñ ile munṭafī ola bu nār
147Ref'-i yedin eyleyecek ber-felekOldı mü’eååir ḳamu ins ü melek
148Çeşm-i felek beynine geldikde bāşTīr-i du‘ā menziline dikdi ṭāş
149Fātihasın oḳuyub ol daʿvetiñGördiler ol demde Ḥaḳḳıñ ḳudretiñ
150Oldı ol añ içre duʿā müstecābEl yüze sürdükde ol ālī-cenāb
151Nūr-ı kerāmāt-ı şerīf ü vefīEyledi nār ü lehebi munṭafī
152Geldi ʿazīz tekyeye ʿizzet ileẔevḳ ü ṣafā ile meserret ile
153Eyledi iẓhār-ı kerāmet hemānḲuṭb u ḳaṭʿ eyledi o ġavå-ı zamān
154Gördi merāyā-yı meåālibde dīlYoġ idi fikrimde benim ġışş [u] ġıll
155Vaḳt-i tufūliyyet idi ʿālemimṢafvet-i ḳalb ile geçerdi demim
156Ḥükm ü teklīf-i İlāhī ileDaḫı mükellef degül idim hele
157Līk ṭaleb-kār-ı ʿibādet idimZāhid-i ḥuşk ile hem-ʿādet idim
158Rāh-ı taʿaṣṣub idi rāhum benimEhl-i dile geçdi nigāhum11 benim
159Mā-ḥaṣal ıżrār ile ıṣrār idiEhl-i ṭarīḳe işim inkār idi
160Bir gice hem ḫˇābdı bu cān u tenʿᾹlem-i maʿnāda görürem ki ben
161Muṣṭafa Paşada o der-gāhdaCāmiʿiñ içi ṭaşı şeh-rāhda
162Bir ulu dīvān idi cemm ü ġafīrAnda idi cümle ġanī vü faḳīr
163Cemʿe sebeb mevlūd-ı ḥażret imişMeclis-i ḥāṣān-ı fütüvvet imiş
164Ṣaff-ı niʿālde ṭurur iken faḳīrṢaff-ı kenārında ẕelīl ü ḥaḳīr
165Gördüm o sulṭān-ı ṭarīḳat-nümāBeyn-i ṣufūf12 ḫiẕmeti eyler edā
166Ḫiẕmet ider gördüm o şeyḫ-i cemīlŞerbeti de kendü iderdi sebīl
167Seyyid-i ḳavm-i ḫādimhüm dīrinīİåri rasūl iåri kerem meşrebini
168Şemʿine cemʿ olmuş idi evliyāᾹyine-i nūr idi ḥikmet-nümā
169Bende hezār ʿacz ile nālān olupTamlamanın metinde geçen "Beyne'ṣ-ṣufūf " şeklinde yazılışı eserin veznine uygun değildir.
170Vardım olam pāyına fersūde-rūṬola demāġıma o14 ʿamber koḫu
171Ṣūret-i redd ile o baḥru'l-vuṣūlİtmedi efgendesin anda ḳabūl
172Açdı lübb-i ḥikmetini soyladıCān u dilim ḥikmet ile ṭoyladı
173Didi baña kim bu durur ḥoş cevābEylemezüz münkiri biz ḥiṣṣe-yāb
174Bende nedāmet-keş olub itdim āhDīde-i ḳalbime gelüp intibāh
175Didüm eyā fātiḥu'l-bābu'l-velāNāşir-i menşūr-ı ṭarīḳu'l- hüdā
176Tövbeler olsun bu kec efkārımaEhl-i Ḥaḳḳa itdigim inkārıma
177ʿÖẕrimi ol demde ḳabūl eyleyüpDidi baña luṭfıla ol söyleyüp
178Gel berü gel keşf-i ḥicāb eyleyemSaña daḫı neşr-i gül-āb eyleyem
179Maẓhar olub luṭfına iḥsānınaAldı saʿādetle beni yānına
180Ez-gül-i ḥoş-būy-ı riyāżu'l-cinānGöñlüm evi ṭopṭolu oldı ol ān
181Cürʿa-ı vāḥidden olub behre-yābŞerbet-i ʿaşḳ itdi beni neşe’-yāb
182Ṣundı yed-i pāki ile şerbetiGitdi o dem cān-ı dilim kürbeti
183Oldı bu rüʿyā baña tevfīḳ-i ḤaḳCāʿeniye’r-rūḥ u rāḥe'l-felaḳ
184Bu daḫı bil ʿayn-ı kerāmet dürürVaḳıʿ[a]mıñ ṣıdḳın beyān itdürür
Naḳl-i Kerāmet-i Sīvvum ez-Ḥażret-i ʿAzīz
185Naḳl-i rāvī-i ṣıḥḥat16-i maḳālʿᾹḳil ü dānā sözi dürr-i le’āl
186Ḥażret-i Şeyḫe o ṣāḥib idiḤażret aña cānıyla rāġib idi
187Ḥażret-i İsmā‛il Efendi vaḥīdOlmış idi ehl-i dil içre ferīd
188Ṣıdḳla ṣıddīḳlik ānıñ şānıdurMısra‘ın vezni bozuktur.
189Böyle rivāyet ider idi yaḳīnBu keremi Ḥażret-i Şeyḫden hemīn
190Bir gün o sulṭān-ı kerāmet-nişānḤücrelerinden çıḳup oldı ʿayān
191Gün gibi ḥücreme ṭulūʿ eylediBu keremi naḳle şurūʿ eyledi
192Nūr ile pür eyledi kāşānemiYapdı bu yüzden dil-i vīrānemi
193Virdi şeref-baḫş-ı ḳudūmı bañaḤāl-i diger şevḳ-i meserret baña
194Didi ayā lübb-i perverdigārMüjdeye geldim saña ey yār-ı ġār
195Müjde gül-i tuḥfe-i AllāhdurḤālet-i lī vaḳt-i maʿ-Allāhdur
196Dünye vü ʿuḳbāya deger bu sözümʿArş-ı muʿallāya deger bu sözüm
197ʿᾹlem-i ġaybıñ baña büşrāsıdurḤażret-i Ḥaḳḳıñ bize ihdāsıdur
198Ḥażret-i esmāʿ-ı İlāhiyyedenMaẓhar-ı raḥm itdi beni ẕu'l-minen
199Geldi bu ikrām baña der-gāhdanKeşf-i ḳulūb eyleyen Allāhdan
200Sırrıma sırr ile ʿayān oldı buḲalbüme keşf ile beyān oldı bu
201Didi baña vārid ayā Nūr-ı dīnBaḫş-i kerāmet saña budur hemīn
202Cāh-ı şefāʿatden ulu mertebeVirdi Ḫudā oldı saña mevhibe
203Çünkü ola sāʿat-ı rūz-ı ḳıyāmCemʿ olalar maḥşere ḫāṣ ile ʿām
204Şübhesiz ol günde ola keşf-i sāḳḪavf ire ḫalḳa ola yevmü't-telāḳ
205Vire iẕin rāḥim-i Rabb'ül-MuʿīnAnda şefāʿat ideler şāfiʿīn
206Bende şefāʿat idem iḫvānımaDervīşlerime ḫullānıma
207Ehlime evlādıma insānımaBaña maḥabbet iden aḥbābıma
208Yüzümi gören ve sözüm işidenMeclis-i ḫāṣımda benim ʿīş iden
209Baña ġıyābımda maḥabbet idenʿArż-ı ḫulūṣ ile meveddet iden
210Cümlesine bende şefāʿet idemCennete ānları delālet idem
211Ḳıldı Ḥaḳḳ iʿṭā bu tecellīsiniVirdi baña luṭf u tesellīsini
212Rā‘ī-i bī-çāregīde ey ĠanīRūz-ı ḫaşr eyleme rüsvā beni
213ʿArṣa-i maḥşerde ber-rūz-ı cezāḲıla şefāʿat baña ol bü'l-vefā
Naḳl-i Kerāmet-i Çehārüm ez-ʿAzīz
214Baʿżı siḳāt böyle rivāyet iderNaḳl-i dürer-bār-ı kerāmet ider
215Ḳırḳ ikide oldı yine bir ḥarīḳOldı Sıtanbūl yem-i nāra ġarīḳ
216İki gün iki gice hem yandı buḲalmadı dükkān u buyūt çār-şū
217Bir bölügü yandı bu şehrin temāmVādi-i ḥayretde ḳalup ḫāṣ [u] ʿām
218Ḥażretü's-Seyyid Zeyne'l-ʿĀbidīnZāde-i Āḳ Maḥmūd Efendi güzīn
219Ḥānelerine ḳarīb oldukda nārOldı ʿazīzden bu kerāmet niåār
220Anda bulundı çün ʿazīz ḥażretiGör bu ulu ʿibret ile ḳudreti
221Ḳarşu gelüp ḥāneye āteş hemānSaḳf-ı büyūta irişdi revān
222Baʿżı muḥibbān mürīdān ileḲuvvet-i ervāḥ-ı ʿazīzān ile
223Ḥaḳḳa teveccühde iderken duʿāSemʿ-i şerīfine gelür bu ṣadā
224Enker-i eṣvāt ile bir bī-mezāḳṢūret-i inkārda iderdi zemāḳ
225Dir idi kim vārdur 19elimde menāṣBundadur şeyḫ[iñ] evi ider ḫalāṣ
226İtdi bu söz ḥażret-i şeyḫe eåerDidi eyā Ḫālıḳ-ı ins ü beşer
227Eyleme şermende bu bī-çāreiMısra‘ın vezni bozuktur.
228Yaḳma bizi nār-ı celāliñ ileḲıl keremi nūr-ı cemāliñ ile
229Şuʿle-i tāb-āver iken söndi nārRāh-rev iken gerüye döndi nār
230Yanmadı ol cāy-ı niʿamda helālṢāḥibine gelmedi aṣlā melāl
231Dest-i şerīfine sürüp rūyınıŞemm iderek ẕevḳ ü ṣafā būyını
232Didi kerāmet dürür ey şeyḫ-i dīnCümle bunı gördiler ʿayne’l-yaḳīn
233Ḥażret-i Ḥaḳ rūḥını şād eyleyeḲalb-i muḥibbānı küşād eyleye
Naḳl-i Kerāmet-i Pencüm ez-Ḥażret-i ʿAzīz
234Nāḳil-i dīvānçe-i naḳl-i kirāmNāẓım-ı manẓūmdur[ur] feyż-i tām
235ʿᾹrif-i esrār-āmūz-ı fuṣūṣVāḳıf-ı aåār-ı ʿulūm u nuṣūṣ
236İsmi ʿAlī ṣāf-dil-āẕādedürBeyne’l-enām Kürkçü Başı-zādedür
237Naḳl-i kelām eyleyüp ider edāRūḥa ġıdādur dil ü cāna devā
238Hicret-i saʿd-aḫter-i ferḥunde-fālBiñ yüz ile elli iki idi sāl
239Cümle ġazāda idi ehl-i cihādLeşkerü'l-İslām ü cüyūş-ıʿibād
240Zümre-i küffār-ı nüḥūset-ḳarīnFırḳa-i efrenc-i bed-āyin ü dīn
241Ḥāṣılı cemʿiyyet-i küffār idiḲavm-i ḍalālet ḳatı bisyār idi
242Şehr-i Sıtanbūlda sıġār u kibārMuntaẓır-ı nuṣret idi şehriyār
243Ḫayr ḫaber almaḳ içün ez-cünūdSāʿī idi peyk-i ṣabā ber-fürūd
244Leyl ü nehār eyler iken cüst-cūŞehrin içi ṭoldı heme güft-gū
245Bir gün o şah-bāz-ı serfirāz-ı dīnMürşid-i Ḥaḳ Ḥażret-i Şeyḫ Nūr-ı dīn
246Nūr-ı ṣafā-baḥş-ı meserret ileFerḥat ü şādī vü maḥabbet ile
247Didi ki aḥbāba o baḥr-i ʿulūmḲalmaya dillerde hümūm u ġumūm
248Muḫbir-i fetḥ ü ẓaferem bī-gümānMebni-i ġaybam size Ḥaḳdan hemān
249Geldi sırr u şān-ı İlāhī bañaMüjde-resānān-ı ḳabūl u duʿā
250Didiler ilhām ile olma melūlEyledi Allāh duʿāñı ḳabūl
251Nuṣret ile bu sene Ḥayy-ı ĠanīḲıldı icābet ile mübşir beni
252Ḥamd ola inʿāmına iḥsānınaEyledügi luṭf-ı firāvānına
253Ḳıldı mübeşşir beni ol lā-yenāmOldı ḳabūl der-geh-i Ḥaḳda duʿām
254Virdi bu tebşīri siyādet-niṣābEyledi aḥbāba bu yüzden ḫiṭāb
255Bende size eyleyem ibşār-ı ḤaḳḳGörince ẓāhir ola esrār-ı Ḥaḳḳ
256Gele yaḳında ḫaber-i cāhidīnAʿẓam-i fetḥ ola bu fetḥ-i mübīn
257Vaḳti kim ol mürşid-i rāh-ı ṣavābEyledi bu müjde ile fetḥ-i bāb
258Oldı göñüllerde neşāṭ u ferāḥḲalmadı dillerde ġumūm u terāḥ
259Geldi nüvīd-i ẓafer āyāt ileAʿẓam-ı tebşīr-i fütūḥāt ile
260ʿAvn-ı Ḥaḳ irdi bize dād eylediFetḥ-i Beliġrād ile şād eyledi
Naḳl-i Kerāmet-i Şeştüm ez-ʿAzīz
261ʿUmde-i aḥbāb-ı ṣadāḳat-maḳālBāsıṭ-ı ser-ṣafḥa-yı kilk-i kemāl
262Ḥażret-i Nūre'd-dīniñ āåārınıḲuvvet-i ḳudsiyyede eṭvārını
263Naḳl ider ol şeyḫ-i ṣafā-fıṭratıʿAzm-i teferrüc-geh idüp niyyeti
264Sūy-ı Baḥrdan idi seyr ü seferḲāḍī-köy idi maḥall ü meḳer
265Sāḥil-i baḥre irüp iḫvān ileḤażret-i pīr ile muḥibbān ile
266Līk o dem yem mütelāṭım idiBirbirine mevc müterākım idi
267Yoġ ıdı deryāda ḳayıḳdan nişānḲatı mehīb idi deñiz ol zamān
268Baḥr-ı maʿānī idi o pür-uṣūlḲayıġa raḥmet gibi itdi nüzūl
269Emr idüb ol dem didi ey keştiyānRefʿ-i serin eyleyüp aç bād-bān
270Dāʿim erler ile celīs idi olṢūret ü maʿnāda reʿīs idi ol
271Kendi dümen-keş idi ṣaġ [u] ṣolaBöldi ṣuyın geçdi düzüldi yola
272Mevc-i baḥr ṭaġ gibi rāfiʿ idiÇün reh-i keştī bize vāsiʿ idi
273Ḳalb-i aḥbāba gelüp ḫavf u bīmḤażrete maʿlūm olup itdi besīm
274Didi oḳunsun eåer-i evliyāḪavf-ı ḫaṭar ḳalmaya dillerde tā
275Oḳumaġa başladı biri ol ānḤūb ṣadā ile ilāhī hemān
276İrmeden itmāma ilāhī temāmSāḥile yanaşdı ḳayıḳ ey hümām
277Ġavrına bu sırrın ebed irmedükŞiddet-i deryāyı hele görmedük
278İki deñiz eylediler iḳtirānMecmaʿ-ı Baḥreyn idi gūyā hemān
279Ḳuvvet-i ḳudsiyye durur bu daḫıʿAyn-ı kerāmet durur [bil] ey aḫī
280Oldı kerāmāt-ı şeştüm çün temāmNaḳl ü vefātı idelüm iḫtitām
Naḳl-i Vefāt-ı Ḥażret-i Şeyḫ es-Seyyid Nūre'd-dīn Ḳuddise Sırrıhü'l-Mubīn Vefāt-ı
281Hicret-i faḫr-i rasūl-ı muḥteremBiñ yüz ile altmışa irdigi dem
282Māh-ı ṣafer irmeden itmāmınaʿÖmr-i ʿazīz irdi ser-encāmına
283Haftası idi ṣaferin ey cemīlRūz-ı sebt idi çü yevmü'r-raḥīl
284Didi o bürhān-ı ṭarīḳ-i ḪudāCemʿ ola yanıma gelüp ḫulefā
285Daʿvet ile geldi ḳamu sālikīnZārī vü giryān olaraḳ ʿāşıḳīn
286Gördiler aṣḥāb-ı maḥabbet temāmḤaḳḳa teveccühde veliyü'l-enām
287Pīş-geh-i şeyḫde nişīn oldılarCebhe-bu-fersā-yı zemīn oldılar
288Emr idüben ḥalḳa-i ẕikir o pīrDest-i şerīfi ile oldı müşīr
289Başladı tevḥīde o dem zākirānḤażret-i Şeyḫ ile bile ʿāşıḳān
290Kendü de iḫvān ile tevḥīd iderḤaḳḳ ile Ḥaḳḳ olmaġı tefrīd ider
291Ḥücre-i sulṭān-ı ṭarīḳat ol ānOldı muṭāf-ı ḥarem-i ḳudsiyān
292Rūḥ-ı ʿazīzān ḳamu eşbāḥ ileGeldiler ol meclise ervāḥ ile
293ʿĀzim-i iḳlīm-i21 beḳā olmaġaVāṣıl-ı dīdār-ı Ḫudā olmaġa
294Ṭālib idi her dem o kenz-i edebRaġıb-ı cānān idi her rūz u şeb
295Mā-ḥaṣal vaḳt-i ṣabaḥdan hemānAltıya sāʿat irecek ol zemān
296Ḳābiżu'l-ervāḥdan olınca fütūḥEyledi biñ cānla teslīm-i rūḥ
297Ṣanma ʿazīz terk-i cihān eylediʿᾹlem-i ıṭlāḳı mekān eyledi
298Ḥāżır idi ānda ṭarīk erleriĠasl olunup cism-i moṭehherleri
299Ṣardılar ol cism-i şerīfe kefenOldı kefen āḫir aña pīrehen
300Merkeb-i tābūta olub çün süvārEyledi ʿazm-i rāh-ı dārü'l-ḳarār
301Cümleten aʿyān kibār u ricālBāy u gedā efḳar u ferḥunde-ḥāl
302Hem daḫı eşrāf ile müftī'l-enāmʿᾹlim ārif ü ʿulemā-yı ʿiẓām
303Ḥażret-i Ṣadre'd-dīn ile Şeyḫ EmīrḤāżır idi ṣāḥib-i devlet vezīr
304Ḫān-ḳāh içinde o gün bī-ḳıyāsNāle vü zār eyler idi cümle nās
305Maḥmil-i tābūtını elden eleEhl-i maḥabbet anı biñ şevḳ ile
306Başları üstünde alup gitdilerSerlerine anı çü tāc itdiler
307Cāmiʿ-i bü'l-fetḥe olınca vüṣūlOldı muṣallā aña cāy-ı nüzūl
308Ḳıldı namāzın aña olup imāmZeyne'l-ʿibād ḥażret-i müftī'l-enām
309Tāc-ı ser idüp yine tābūtınıẔikr ile tesbīḥ ile nāsūtını
310Aldılar elden ele getürdilerMeşhed-i pür-nūrına yetürdiler
311Pister-i rāḥat olıcaḳ laḥd añaOldı ḳabir naʿş-ı şerīfine cā
312Oldı eḥibbā ḳatı mātem-zedeḲopdı ḳıyāmetler o gün tekyede
313Devr-i semāʿ eylediler tā-mesāSīnelerin çāk idüben ser-keşā
314Oldı hezār ḫatm-i kelām-ı İlāhRūh u şerīflerine bī-iştibāh
315Ravvehanallāhu bi-ervāḥihiḲaddesenallāhu bi-esrārihi
316Ey dil-i perverde-i rāh-ı hevāSırr-ı ʿazīz ola saña reh-nümā
317Silsiletü'n-Nūr bulup iḥtimāmEyledüm evṣāf-ı şüyūḫu'l-kirām
318Ḥamd ola ey Ḫālıḳ-ı perverdigārLuṭfuña iḥsānına yoḳdur şümār
319Bu dil-i zāra kerem ḳıla vezānTāzeleye şevḳ-i derūnum her ān
320Ḳalbüm evin lemʿa-i ʿirfān ileFeyż-i füyūżāt-ı ʿazīzān ile
321Pür eśer it ʿaşḳıña şāyeste ḳılŞevḳ-i cemāliñ ile dem-beste ḳıl
322Geldi dile tārīḫ içün bu kelāmSilsile-i Sünbül-i ʿirfān-ı tām